ଓଡ଼ିଶାରେ ତୃତୀୟ ଲହର ବ୍ୟାପିବା ନେଇ ଏମିତି କହିଲେ ସ୍ୱାସ୍ଥ୍ୟ ନିର୍ଦେଶକ

ଭୁବନେଶ୍ୱର – ସାରାବିଶ୍ୱରେ କରୋନା କାୟା ବିସ୍ତାର ଓ ମୁଣ୍ଡ ପରେ ମୁଣ୍ଡ ନେବା ଏବେ ସମସ୍ତଙ୍କ ପାଇଁ ଚିନ୍ତାର କାରଣ ପାଲଟିଛି । ପ୍ରଥମ ଓ ଦ୍ୱତୀୟ ଲହର ପରେ ତୃତୀୟ ଲହର ମଧ୍ୟ ମୁଣ୍ଡ ପରେ ମୁଣ୍ଡ ନେବା ଆରମ୍ଭ କଲାଣୀ । କେବେ ଏହା ଓଡିଶାରେ ଦୃତ ଗତିରେ ବ୍ୟାପିବ ତାକୁ ନେଇ ସ୍ୱାସ୍ଥ୍ୟ ବିଶେଷଜ୍ଞ କଣ କହୁଛନ୍ତି ଆସନ୍ତୁ ଜାଣିବା


ଓଡ଼ିଶାରେ ଫେବ୍ରୁଆରିରେ ତୃତୀୟ ଲହର ପିକ୍ ନେଇପାରେ ବୋଲି ସ୍ୱାସ୍ଥ୍ୟ ନିର୍ଦେଶକ ବିଜୟ ମହାପାତ୍ର କହିଛନ୍ତି । ସେ କହିଛନ୍ତି, ଦେଶର ବିଭିନ୍ନ ରାଜ୍ୟ ତୁଳନାରେ ଓଡ଼ିଶାରେ ପ୍ରଥମ ଓ ଦ୍ୱିତୀୟ ଲହର ଦୁଇ ମାସ ବିଳମ୍ବରେ ଆସିଥିଲା । ଆଇସିଏମଆର ଆକଳନ ଅନୁଯାୟୀ, ଯଦି ତୃତୀୟ ଲହର ଆସେ ଖୁବଶୀଘ୍ର ଓଡ଼ିଶା ଆସିବ । ଫେବ୍ରୁଆରି ମାସ ଶେଷ ବେଳକୁ ଏହା ପିକ୍ ନେଇ ପାରେ । ସର୍ଭିଲାନ୍ସ,ଟେଷ୍ଟିଂ, ଟ୍ରିଟମେଣ୍ଟ ଓ ଟିକାକରଣ ଉପରେ ସ୍ୱାସ୍ଥ୍ୟ ବିଭାଗ ଗୁରୁତ୍ୱ ଦେଉଛି । ସରକାରଙ୍କ ନିର୍ଦେଶ ଅନୁଯାୟୀ ସ୍ୱାସ୍ଥ୍ୟ ଭିତ୍ତିଭୂମି ପ୍ରସ୍ତୁତ ରହିଛି । ପେଡ଼ିୟାଟ୍ରିକ ବିଭାଗ, ଅକ୍ସିଜେନ ଓ ମେଡିସିନ ସମ୍ପୂର୍ଣ୍ଣ ଭାବେ ମହଜୁଦ ଅଛି । ଭିତ୍ତିଭୂମି ପ୍ରସ୍ତୁତ କରି ରଖିବାକୁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି । ସେହି ଅନୁଯାୟୀ ଆମେ ପ୍ରସ୍ତୁତ ରହିଛୁ । ରାଜ୍ୟର ସଙ୍ଗରୋଧ ସମୟ ୧୪ ଦିନ ରହିଛି । ସେଥିରେ କିଛି ପରିବର୍ତ୍ତନ ହୋଇନି । ଆମେରିକାରେ ଅବଶ୍ୟ ଏହି ନିୟମରେ ପରିବର୍ତ୍ତନ ହୋଇଛି ।

Leave a Comment